ನಿತ್ಯಾಧರಾಚೆಂ ಮಾಯೆ, ತುವೆಂ ಅಮ್ಕಾಂ ಎದೊಳ್‌ ಪರ್ಯಾಂತ್‌ ದೆವಾ ಥಾವ್ನ್‌ ಮಾಗೊನ್‌ ದಿಲ್ಲ್ಯಾ ಸರ್ವ್‌ ಬೆಸಾಂವಾಂ ಖಾತಿರ್‌ ಆನಿ ಆಮ್ಚ್ಯೆ ಪಾಸತ್‌ ವಿನತಿ ಕೆಲ್ಲ್ಯೆ ಖಾತಿರ್‌ ಆಮಿ ತುಜೊ ಉಪ್ಕಾರ್‌ ಭಾವುಡ್ತಾಂವ್‌. ಹ್ಯಾ ಸಂಸಾರಿ ಜಿಣ್ಯೆಂತ್‌ ತುಕಾ ಪಾಪಾವಿಣ್‌ ಆನಿ ಖತಾವಿಣ್‌ ಜಾವ್ನ್‌ ರಾಕೊನ್‌ ದೆವಾ ಬಾಪಾನ್‌ ಆಪ್ಲ್ಯಾ ಪುತಾಕ್‌ ತುಜ್ಯೆ ಮುಖಾಂತ್ರ್‌ ಹ್ಯಾ ಸಂಸಾರಿ ಧಾಡ್ಲೊ. ಹ್ಯಾ ಖಾತಿರ್‌ ಪವಿತ್ರ್‌ ಸಭಾ ತುಕಾ ʼದೆವಾಚಿ ಮಾತಾʼ ಮ್ಹಣ್‌ ಮಾನ್‌ ದಿತಾ. ದೆವಾ ಹುಜ್ರಿಂ ವರ್ತಿ ಜಾಲ್ಲಿ ತುಂ ಹ್ಯಾ ಸಂಸಾರಾಂತ್‌ ತುಜಾ ಪುತಾಚ್ಯಾ ಶಿಕೊವ್ಣೆ ಪ್ರಕಾರ್‌ ಚಲೊಂಕ್‌ ಪ್ರಯತ್ನ್‌ ಕರ್ಚ್ಯಾ ಆಮ್ಚ್ಯೆ ವಯ್ರ್‌ ,ತುಜ್ಯಾ ಭುರ್ಗ್ಯಾಂಚೆರ್‌ ತುಜಾ ಮೊಗಾಚಿ ದೀಷ್ಟ್ ಘಾಲ್.‌ ಕ್ರೀಸ್ತೀ ಜೀವನ್‌ ಹ್ಯಾ ಸಂಸಾರಿಂ ಜಿಯೆಂವ್ಕ್‌ ಗರ್ಜ್‌ ಆಸ್ಚಿ ಕುರ್ಪಾ ತುಂ ಆಮ್ಚಾಂ ಮಾಗೊನ್‌ ದೀ.

ವರ್ತ್ಯಾ ಸಾಂತಾ, ಸಾಂತ್‌ ಅಂತೊನಿ, ತುಜಾ ಮಾಗ್ಣ್ಯಾ ವರ್ವಿಂ, ಮೊರ್ನ್‌, ಚೂಕ್‌, ಆನ್ವಾರಾಂ, ದೆಂವ್ಚಾರ್‌ ಆನಿ ಸರ್ವ್‌ ಥರಾಂಚಿ ವೊಸ್ಯಾಚಿ ಪಿಡಾ ಪಯ್ಸ್ ಸರ್ತಾ ಮ್ಗಣ್‌ ಉಗ್ಡಾಸ್‌ ಕರ್ ; ತುಜೆಂ ಮಾರಿಪಾತ್‌ ಪಿಡೆಸ್ತಾಂಕ್‌ ಭಲಾಯ್ಕಿ ಮೆಳ್ತಾ. ಉಚಾಂಬಳ್‌ ದರ್ಯೆಂ ಥಂಡ್‌ ಜಾತಾತ್‌, ಬಂಧಿವಾನಾಂಚೊ ಸಾಂಕ್ಳಿ ತುಟೊನ್‌ ಪಡ್ತಾತ್.‌ ಥೊಂಟೆ ಉಠೊನ್‌ ಚಲ್ತಾತ್.‌ ಕರ್ಡೆಂ ಪಳೆಯ್ತಾತ್‌, ಕೆಪ್ಪೆ ಆಯ್ಕಾತಾತ್‌, ಮೊನೆ ಉಲಯ್ತಾತ್.‌ ಭಾಯ್ರ್‌ ಪಡ್‌ಲ್ಲ್ಯೊ ವಸ್ತು ಮೆಳ್ತಾತ್.‌ ಲ್ಹಾನ್‌ ವ್ಹಡ್‌ ತುಜೆಂ ಕಡೆಂ ಮಾಗ್ತಾತ್‌ ಆನಿ ಮಾಗ್ಲೆಂ ಸರ್ವ್‌ ತಾಂಕಾಂ ಮೆಳ್ತಾ. ತುಜೆ ವರ್ವಿ ಆಪಾಯ್‌ - ಗ್ರಾಚಾರ್‌ ನಪಂಯ್ಚ್‌ ಜಾತಾತ್‌ ಆನಿ ಅಮ್ಚ್ಯಾ ಸರ್ವ್‌ ಗರ್ಜಾಂಕ್‌ ತುಂ ಪವ್ತಾಯ್‌: ಸರ್ವ್‌ ಪಾತ್ಯೆಣಿ ತುಜೆರ್‌ ದವರ್ನ್‌, ತುಜಿ ಕುಮೊಕ್‌ ಅಮಿಂ ಮಾಗ್ತಾಂವ್:‌ ಇತ್ಲ್ಯಾ ವ್ಹಡ್ಯೆ ಆಶೆನ್‌ ಆಮಿಂ ಮಾಗ್ತಾಂವ್‌ ತೆಂ ಸರ್ವ್‌ ಆಮ್ಕಾಂ ಜೋಡ್ನ್‌ ದೀವ್ನ್ ತುಜಿ  ಪದ್ವಿ ಸಂಸಾರಾಂಕ್‌ ದಾಕಾಯ್.‌ ಆಮೆನ್.